Акафист святителю спиридону тримифунтскому

Для наших читателей: акафист святителю спиридону тримифунтскому с подробным описанием из различных источников.

Вы искали акафист святителю Спиридону Тримифунтскому? В этой статье Вы сможете найти полный текст, увидеть исполнение акафиста с правильными ударениями и аудио записи.

Акафист святителю Спиридону Тримифунтскому

Кондак 1: 

Препрославленный от Господа святителю и чудотворче Спиридоне! Ныне всечестную память твою празднующе, яко много могущему споспешествовати нам о прославльшем тя Христе, умильно вопием ти: избави нас от всяких бед и зол, да с благодарением зовем ти: Радуйся, Спиридоне, предивный чудотворче!

Икос 1:

От юности украшенный всеми добродетельми, житием своим Ангелом подражавый, ты, святителю Спиридоне, воистинну показался еси друг Христов; мы же, зряще тя, небеснаго человека и земнаго ангела, со благоговением умильно вопием ти:

Радуйся, уме, созерцаяй тайны Пресвятыя Троицы; радуйся, обогативыйся Духа пресветлым осиянием.
Радуйся, светильниче многосветлый; радуйся, ум твой безстрастием просветивый.
Радуйся, измлада истинную простоту и безмолвие возлюбивый; радуйся, украшение целомудрия.
Радуйся, любве неистощимая струя; радуйся, яко страннолюбию Авраама подражал еси.
Радуйся, яко всем любвеобильно входы дома своего отверзал еси; радуйся, нищих предстателю.
Радуйся, пред нимже благоговеют людие; радуйся, яко ты еси обиталище Пресвятаго Духа.
Радуйся, Спиридоне, предивный чудотворче!

Кондак 2:

Видяще остров Кипр и вся христианския страны нетленныя мощи твоя, святителю, от нихже истекают обильная исцеления, возрадовашася; и мы, почитающе тя яко преобильнаго источника благодати, низпосланнаго Свыше нам, вопием к Верховному Подателю Небесных и земных благ: Аллилуиа.

Икос 2:

Разум Божественный имый, аще сый пастырь безсловесных овец, ты произволением Пастыреначальника Христа избран был еси в пастыря овец словесных. Вернии же, разумевше тя добраго пастыря, неусыпно о стаде своем пекущагося, воспеваху:

Радуйся, архиерее Бога Вышняго, в хиротонии восприявый обильно Божественную благодать; радуйся, светильниче многосветлый, горяй и светяй.
Радуйся, верный делателю в вертограде Христовом; радуйся, пастырю, на пажити веры и благочестия паству свою воспитавый.
Радуйся, сияньми добродетелей твоих мир просвещавый; радуйся, Престолу Христову Божественную Жертву приносивый.
Радуйся, иерарше, разумением Православия украшенный; радуйся, апостольскаго учения исполненный, верных струями спасительнаго учения напаяяй.
Радуйся, яко и мудрых озарил еси; радуйся, яко и простых сердца обновил еси.
Радуйся, славо православных и Церкве непоколебимое утверждение; радуйся, украшение отцев, слава и похвала иереев благоговейных.
Радуйся, Спиридоне, предивный чудотворче.

Читайте также материал Святитель Спиридон — очень добрый святой

Кондак 3:

Силою Вышняго, осенившею тя, святителю Спиридоне, богомудр ты показался еси и, сжавши дланию глину, троичность Лиц всем очевидно уяснил еси: темже лжемудрии философи, собравшиися на Соборе, ужасошася, вернии же непостижимаго прославиша Бога, умудрившаго тя во спасение, вопиюще Ему: Аллилуиа.

Икос 3:

Имеюще тя в помышлениих своих вси отцы Собора проста, неискусна в книжнем учении, молиша тя, отче Спиридоне, не препиратися словесы с ветиею, мнящимся мудр быти. Ты же, святителю, ревностию по Бозе распалаемый, веруя, яко проповедь Христова не в препретельных мудрости человеческия словесех, но в явлении духа и силы, премудре того обличив, вразумил и на путь истинный наставил еси. Вси, видевше чудо сие, взываху:

Радуйся, свете православныя мудрости; радуйся, яко глаголемых быти мудрых совопросников посрамил еси.
Радуйся, источниче, благодатию обильный; радуйся, непоколебимый столпе, твердо содержащий сущих в вере.
Радуйся, омрачаяй всепагубную ересь; радуйся, чрез негоже попрано бысть безумие.
Радуйся, яко персть земная проповеда твоима рукама Святую Троицу; радуйся, яко из глины извел еси огнь и воду во утверждение догмата Святыя Троицы.
Радуйся, яко просветил еси люди славити Слово, воистинну единосущное Пребезначальному Отцу; радуйся, яко змиеву главу пагубныя Ариевы ереси поразил еси.
Радуйся, яко тобою пожерта бысть злоба; радуйся, невернаго мудреца совопросника к истинней вере обративый.
Радуйся, Спиридоне, предивный чудотворче.

Кондак 4:

Жизнь проводя в убожестве и нищете, нищим и бедным был еси питатель и помощник и, любве ради к нищим, змия в злато преложил еси и дал еси оное требующему твоея помощи. Дивящеся о чудеси сем, благодарственно вопием к Богу: Аллилуиа.

Икос 4:

Слышано бысть всем и всюду, яко святитель Спиридон воистинну есть жилище Святыя Троицы: вселися бо в нем Бог Отец, Бог Слово и Бог Дух Святый. Сего ради ты словесы и деяньми проповедал еси всем христианом воплощеннаго истиннаго Бога, вопиющим:

Радуйся, словес Божиих таинниче; радуйся, Домостроительство Божие о спасении мира уяснивый.
Радуйся, яко научил еси не испытовати еже есть превыше разума и мудросте человеческия; радуйся, непостижимую действующую в тебе силу Божию явивый.
Радуйся, яко устами твоими провеща Сам Бог; радуйся, яко вси послушаху тебе в сладость.
Радуйся, мглу идолослужения разгнавый; радуйся, яко многих к истинней вере привел еси.
Радуйся, яко главы невидимых змиев поразил еси; радуйся, яко тобою прославляется вера христианская.
Радуйся, яко светло озаряеши всех ублажающих тя; радуйся, поборниче христианския веры и Православия.
Радуйся, Спиридоне, предивный чудотворче.

Кондак 5:

Божественнаго Духа преисполнен был еси, святителю Спиридоне, ради добродетельнаго жития твоего; зане кроток, милостив, чист сердцем, терпелив, непамятозлобив, страннолюбец был еси: сего ради Творец и в чудесех преславна показа тя. Мы же, прославляя Бога, прославльшаго тя, вопием Ему: Аллилуиа.

Икос 5:

Равноангельна Спиридона зрим, великаго чудотворца. Некогда страна от бездождия и засухи вельми пострада: бысть глад и язва, и многое множество людей умроша, молитвами же святителя сниде с небесе на землю дождь; людие же, избавльшеся от бедствия, благодарственно взываху:

Радуйся, великому пророку Илии уподобивыйся; радуйся, яко дождь, отъемлющий глад и недуги, благовремение низвел еси.
Радуйся, паки молитвами своими небо заключивый; радуйся, яко немилосердаго купца лишением имения наказал еси.
Радуйся, яко требующим пищу обильно даровал еси; радуйся, яко любоблагоутробие Бога к людем подвизаеши.
Радуйся, вземляй немощи немощных; радуйся, богоблагодатный человеком помощниче.
Радуйся, болящим здравие подаваяй; радуйся, егоже трепещут демони.
Радуйся, безчисленных чудес источниче.
Радуйся, Спиридоне, предивный чудотворче.

Кондак 6:

Завеса ветхозаветной скинии закрываше во Святая Святых ковчег, манну и скрижали. И храм твой, святителю Спиридоне, имеет раку твою, яко ковчег, святыя мощи твоя, яко манну, сердце твое, яко скрижали Божественная благодати, на нихже зрим начертанную песнь: Аллилуиа.

Икос 6:

Народ Кипра некогда за умножение беззаконий наказа Господь безплодием земли, егда же прииде к святому Спиридону знаемый земледелец, прося помощи, даде ему святый злато; минувшу же бедствию, земледелец оный возврати паки злато, И — о чудесе — злато змий бысть. Прославляюще Бога, дивнаго во святых Своих, вопием:

Радуйся, яко Моисею, чудесно преложившему жезл в змия, подражал еси; радуйся, человеколюбивый пастырю, избавляяй от бед словесныя овцы стада своего.
Радуйся, обильно всех всеми благами обогащаяй; радуйся, яко Илиа, бедных питавый.
Радуйся, немилосердых к милосердию обращаяй; радуйся, достоподражаемый пример любве для человеков, в мире живущих.
Радуйся, верных и неверных в бедах утешение; радуйся, древо сеннолиственное, град и страну осеняющее.
Радуйся, славо и похвало керкирян; радуйся, над влагою и сушею, зноем и хладом благодатию Божиею владычествуяй.
Радуйся, уставы земли молитвою пременяяй; радуйся, будущая, яко настоящая, провидевый.
Радуйся, Спиридоне, предивный чудотворче.

Кондак 7:

Ходатай пред Господем за всех явился еси, святителю Спиридоне. Сего ради и мы прибегаем под кров твой, ищуще спасения, вси бо помощника тебе имамы во всех нуждах, во время глада, смертоносныя язвы и во вся годины бед и искушений. Сего ради благодарственно вопием Богу: Аллилуиа.

Икос 7:

Новое чудо видим и боголепное; егда ты, отче, шествовал избавити неповинно осужденнаго на смерть, бурный поток прегради путь тебе; ты же именем Всемогущаго Бога повелел ему стати и прешел еси со спутники чрез реку, яко по суху. Слава о сем чудеси распространися всюду, и вси прославиша Бога, вопиюще к тебе:

Радуйся, яко иногда Иисус Навин чрез Иордан, реку по суху прешедый; радуйся, речная устремления гласом своим укротивый.
Радуйся, яко трудный путь предприял еси, движимый милосердием; радуйся, яко клевету разрушил еси и неповиннаго от уз темницы и напрасныя смерти избавил еси.
Радуйся, жизни по Бозе благий поспешниче; радуйся, неповинно угнетенных защитителю.
Радуйся, уставов естества воднаго пременителю; радуйся, яко судию вразумил еси и от убийства спасл еси.
Радуйся, истинное исправление душ; радуйся, дивная сило, потоки удержавающая.
Радуйся, услаждающий сердца человеков, к тебе притекающих; радуйся, человеколюбию Авраама подражателю.
Радуйся, Спиридоне, предивный чудотворче.

Кондак 8:

Странник и пришлец был еси на земли, якоже и прочии человецы. Обаче из чрева матере Всеведущий великаго угодника и чудотворца показа тя, святителю Спиридоне: бесы бо изгоняеши, всякую болезнь и язву исцеляеши, помышления людей зриши, темже и дивен во святых показался еси. Мы же, возсылающе молитву ко Благодателю всех Богу, вопием ему: Аллилуиа.

Икос 8:

Весь мир ужасом многим содрогнуся, егда услыша, яко смерть, по гласу твоему, возвращает из гробов мертвецы своя, и возопи:

Радуйся, умершую дщерь свою, да явит врученное ей сокровище, к жизни воззвавый; радуйся, скорбную вдовицу, на сохранение злато вдавшую, утешивый.
Радуйся, умершее отроча из мертвых воскресивый; радуйся, яко матерь его, внезапно от радости умершую, ожививый.
Радуйся, яко уподобился еси Илии, молитвами сыну Сарептския жены жизнь возвратившему; радуйся, яко и Елисею, возбудившему от смерти отроча подражал еси.
Радуйся, пастырю, приискренне любящий человеки; радуйся, жене блуднице, слезами нозе твои омывшей, грехи именем Бога отпустивый.
Радуйся, святую ревность верховнаго апостола стяжавый; радуйся, яко нераскаянная грешница, по глаголу твоему, в тяжких болезнех умре.
Радуйся, земли плодоносие молитвами твоими испросивый; радуйся, непреложное воскресения человеков уверение.
Радуйся, Спиридоне, предивный чудотворче.

Кондак 9:

Духа Божественнаго осияньми озарен был еси, святителю Спиридоне, имел бо еси духа премудрости, яко мудрыми словесы безумных обуил еси и посреде отцев веру утвердил еси, духа разума, яко умы омраченныя озарил еси; духа страха Божия, яко выну делании богоугодными душу очистил еси. Темже, представ Престолу Вышняго, с сонмом Ангелов воспеваеши Ему: Аллилуиа.

Икос 9:

Жезл пастыря словесных овец от Пастыреначальника Господа Иисуса приемый, святый Спиридон не премени жития своего: нестяжателен, кроток, любве ради вся терпяй, не постыдеся пещися и о стаде безсловесных овец. Вся сия возбуждают нас славити Бога и взывати тебе:

Радуйся, славу мира сего яко суетную презревый; радуйся, мзду многу на Небесех стяжавый.
Радуйся, красная мира сего в уметы вменивый; радуйся, сосуде небесных благ.
Радуйся, святейшая пажите киприотов; радуйся, яко тебе ради Бог хищников овец твоих невидимыми узами связа.
Радуйся, татем отеческое вразумление преподавый; радуйся, по милосердию твоему за проведенную без сна нощь овна им даровавый.
Радуйся, непослушанием козлища, яко бы разум имущаго, купца, утаившаго цену его, обличивый; радуйся, утаившаго сребреники твоя к покаянию приведый.
Радуйся, яко страсти корыстолюбия увещанием своим исцелил еси его.
Радуйся, Спиридоне, предивный чудотворче.

Кондак 10:

Спасаяй души паствы, Богом тебе вверенныя, ты, святителю Спиридоне, произволением Божиим, зван был еси явити славу свою, паче же славу истиннаго Бога, и в иныя страны, да всюду славят имя Божие, вопиюще: Аллилуиа.

Икос 10:

Скорый помощник и заступник во всяких нуждах и скорбех, святый Спиридон, по повелению цареву, якоже и прочий пастыри, прииде во град Антиохию, идеже бе одержимый болезнию царь Константин; святитель главы его коснуся и сотвори здрава. Сему чудеси дивящеся, вопием ти:

Радуйся, егоже в сонном видении Ангел, яко целителя, яви царю; радуйся, Божественныя ради любве трудный путь в старости восприявый.
Радуйся, цареву рабу, ударившему тя в ланиту, по заповеди Спасителя, другую подставивый; радуйся, столпе смирения.
Радуйся, молитвами своими слезно просящему царю здравие даровавый; радуйся, яко уничижением своим раба вразумил еси и немилостивый нрав его пременил еси.
Радуйся, яко благочестию и милосердию царя научил еси; радуйся, яко, ненавидяй земная сокровища, злато царя отвергл еси.
Радуйся, яко ученика своего Трифиллиа от пристрастия к земным благам отвратил еси и сосудом благодати Божия соделал еси; радуйся, яко пришедшу тебе в Александрию идоли падоша.
Радуйся, емуже и беси повинуются; радуйся, яко от идолослужения многих отвратил еси.
Радуйся, Спиридоне, предивный чудотворче.

Кондак 11:

Пение ангельское бысть, егда во храме приносил еси, святителю Спиридоне, вечерния молитвы Твоя, и не беша сослужащии тебе. Жителие же града, дивное пение слышавше, внидоша в храм и, никогоже видевше, с Горними силами воспеваху: Аллилуиа.

Икос 11:

Светозарное солнце мирови, собеседник Ангелов был еси на земли, святителю Спиридоне; предав же дух твой в руце Божии, преселился еси в горняя селения, моляся за мир пред Престолом Владыки. Мы же, живущии на земли, вопием ти:

Радуйся, яко тебе, еще живу сущу, сослужаху Ангели; радуйся, псалмопение Архангелов слышавый.
Радуйся, видимый образе нашего преображения; радуйся, яко недоставшу елею в храме Бог тебе ради с избытком лампады наполни тем.
Радуйся, лампадо Божественнаго сияния; радуйся, сосуде благодати Божией, обильно, подобие елею, наполняющей душу твою.
Радуйся, неизсякаемый источниче, присно источающий всем токи благодати; радуйся, о немже изумляются Ангели.
Радуйся, прослушание диакона в храме наказавый; радуйся, тщеславившагося своим гласом и гласа, и языка лишивый.
Радуйся, яко во время зноя, внезапу роса, снизшедшая свыше, священную твою главу прохлади; радуйся, в знамении сем близость преставления своего провидевый.
Радуйся, Спиридоне, предивный чудотворче.

Кондак 12:

Покров и прибежище бывый всем к тебе притекающим верным еще в житии твоем, ты, святителю, не оставил еси нас сирых и по твоем успении; Бог, побеждающий естества чин, сохрани святые мощи твоя нетленными во укрепление православныя веры и благочестия, в знамение безсмертия, Егоже прославляюще, вопием: Аллилуиа.

Икос 12:

Воспеваем тя, святителю Божий, яко удивил еси мир чудесы, истекающими от святых мощей твоих. Вси бо с верою приходящии и лобызающии их получают вся благопотребная просимая. И мы, давшаго тебе крепость, венчавшаго тя венцем нетления и действующаго тобою Бога прославляюще, вопием ти:

Радуйся, во время глада корабельником явивыйся, и пищу доставити повелевый; радуйся, слепым, с верою притекшим к святым мощем твоим, зрение даровавый.
Радуйся, от неисцельныя болезни отрока исцеливый; радуйся, беса из жены изгнавый и здравую сотворивый.
Радуйся, возбранный воеводо Керкиры; радуйся, яко полчища злочестивых агарян изгнал еси и корабли их в пучине потопил еси.
Радуйся, егоже видеша окруженнаго сонмом Ангелов, в деснице меч державша и в трепет врагов приведша; радуйся, создати себе храм, во еже совершати в нем литургию на пресном хлебе, воеводе возбранивый.
Радуйся, воеводу латинскаго лютою смертию поразивый; радуйся, молниею изображение его в доме в Венеции сожегший.
Радуйся, отступльства и лжемудрования Запада посрамивый; радуйся, единую православную веру быти истинную и спасительную для человеков утвердивый.
Радуйся, Спиридоне, предивный чудотворче!

Читайте также материал – У мощей святителя Спиридона

Кондак 13:

О пречудный святителю Христов, отче Спиридоне! Нынешнее наше моление прием, избави нас от всех бед и напастей, укрепи на враги страну нашу, даруй нам оставление прегрешений и изми от вечныя смерти всех вопиющих о тебе к Богу: Аллилуиа!(Этот кондак читается трижды, затем икос 1 и кондак 1)

Молитвы святителю Спиридону Тримифунтскому

Молитва первая:

О Великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость же жития твоего Ангелы невидимо в церкви поющия и сослужащия тебе имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и обличати неправедно живущия. Многим в скудости и недостаточестве живущим ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да выну возсылаем славу и благодарение Отцу, и Сыну, и Духу Святому, ныне, и присно, и во веки веков. Аминь.

Молитва вторая:

О всеблаженне святителю Спиридоне, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящия сильныя твоея помощи. Умоли благоутробие Человеколюбца Бога, да не осудит нас по беззакониим нашим, но да сотворит с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления! Избави всех верою несумненною к Богу приходящих от всяких бед душевных и телесных. от всех томлений и диавольских наветов! Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкия помощи твоея требующим вся, яже ко спасению, полезная! Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне, и присно и во веки веков. Аминь.

Молитва третья:

О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим (имена), у Христа и Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков.

Тропарь святителю Спиридону, епископу Тримифунтскому, чудотворцу

Тропарь, глас 1:

Собора Перваго показался еси поборник и чудотворец, богоносе Спиридоне, отче наш. Темже мертву ты во гробе возгласив и змию в злато претворил еси, и внегда пети тебе святыя молитвы, Ангелы сослужащия тебе имел еси, священнейший. Слава Давшему тебе крепость, слава Венчавшему тя, слава Действующему тобою всем исцеления.

Кондак, глас 2:

Любовию Христовою уязвився, священнейший, ум вперив зарею Духа, деятельным видением твоим деяние обрел еси, Богоприятне, жертвенник Божественный быв, прося всем Божественнаго сияния.

Слушать акафист святителю Спиридону Тримифунтскому:

Вы прочитали статью Акафист святителю Спиридону Тримифунтскому. Читайте также:

  • Молитвы святителю Спиридону Тримифунтскому. Чудеса по молитвам к святому
  • Святитель Спиридон Тримифунтский
  • Святитель Спиридон Тримифунтский — чудеса и свидетельства

Кондак 1
Препрославленный от Господа святителю и чудотворче Спиридоне! Ныне всечестную память твою празднующе, яко много могущему споспешествовати нам о прославльшем тя Христе, умильно вопием ти: избави нас от всяких бед и зол, да с благодарением зовем ти: Радуйся, Спиридоне, предивный чудотворче!

Икос 1
От юности украшенный всеми добродетельми, житием своим Ангелом подражавый, ты, святителю Спиридоне, воистинну показался еси друг Христов; мы же, зряще тя, небеснаго человека и земнаго ангела, со благоговением умильно вопием ти:

Радуйся, уме, созерцаяй тайны Пресвятыя Троицы; радуйся, обогативыйся Духа пресветлым осиянием.
Радуйся, светильниче многосветлый; радуйся, ум твой безстрастием просветивый.
Радуйся, измлада истинную простоту и безмолвие возлюбивый; радуйся, украшение целомудрия.
Радуйся, любве неистощимая струя; радуйся, яко страннолюбию Авраама подражал еси.
Радуйся, яко всем любвеобильно входы дома своего отверзал еси; радуйся, нищих предстателю.
Радуйся, пред нимже благоговеют людие; радуйся, яко ты еси обиталище Пресвятаго Духа.
Радуйся, Спиридоне, предивный чудотворче!

Кондак 2
Видяще остров Кипр и вся христианския страны нетленныя мощи твоя, святителю, от нихже истекают обильная исцеления, возрадовашася; и мы, почитающе тя яко преобильнаго источника благодати, низпосланнаго Свыше нам, вопием к Верховному Подателю Небесных и земных благ: Аллилуиа.

Икос 2
Разум Божественный имый, аще сый пастырь безсловесных овец, ты произволением Пастыреначальника Христа избран был еси в пастыря овец словесных. Вернии же, разумевше тя добраго пастыря, неусыпно о стаде своем пекущагося, воспеваху:

Радуйся, архиерее Бога Вышняго, в хиротонии восприявый обильно Божественную благодать; радуйся, светильниче многосветлый, горяй и светяй.
Радуйся, верный делателю в вертограде Христовом; радуйся, пастырю, на пажити веры и благочестия паству свою воспитавый.
Радуйся, сияньми добродетелей твоих мир просвещавый; радуйся, Престолу Христову Божественную Жертву приносивый.
Радуйся, иерарше, разумением Православия украшенный; радуйся, апостольскаго учения исполненный, верных струями спасительнаго учения напаяяй.
Радуйся, яко и мудрых озарил еси; радуйся, яко и простых сердца обновил еси.
Радуйся, славо православных и Церкве непоколебимое утверждение; радуйся, украшение отцев, слава и похвала иереев благоговейных.
Радуйся, Спиридоне, предивный чудотворче.

Кондак 3
Силою Вышняго, осенившею тя, святителю Спиридоне, богомудр ты показался еси и, сжавши дланию глину, троичность Лиц всем очевидно уяснил еси: темже лжемудрии философи, собравшиися на Соборе, ужасошася, вернии же непостижимаго прославиша Бога, умудрившаго тя во спасение, вопиюще Ему: Аллилуиа.

Икос 3
Имеюще тя в помышлениих своих вси отцы Собора проста, неискусна в книжнем учении, молиша тя, отче Спиридоне, не препиратися словесы с ветиею, мнящимся мудр быти. Ты же, святителю, ревностию по Бозе распалаемый, веруя, яко проповедь Христова не в препретельных мудрости человеческия словесех, но в явлении духа и силы, премудре того обличив, вразумил и на путь истинный наставил еси. Вси, видевше чудо сие, взываху:

Радуйся, свете православныя мудрости; радуйся, яко глаголемых быти мудрых совопросников посрамил еси.
Радуйся, источниче, благодатию обильный; радуйся, непоколебимый столпе, твердо содержащий сущих в вере.
Радуйся, омрачаяй всепагубную ересь; радуйся, чрез негоже попрано бысть безумие.
Радуйся, яко персть земная проповеда твоима рукама Святую Троицу; радуйся, яко из глины извел еси огнь и воду во утверждение догмата Святыя Троицы.
Радуйся, яко просветил еси люди славити Слово, воистинну единосущное Пребезначальному Отцу; радуйся, яко змиеву главу пагубныя Ариевы ереси поразил еси.
Радуйся, яко тобою пожерта бысть злоба; радуйся, невернаго мудреца совопросника к истинней вере обративый.
Радуйся, Спиридоне, предивный чудотворче.

Кондак 4
Жизнь проводя в убожестве и нищете, нищим и бедным был еси питатель и помощник и, любве ради к нищим, змия в злато преложил еси и дал еси оное требующему твоея помощи. Дивящеся о чудеси сем, благодарственно вопием к Богу: Аллилуиа.

Икос 4
Слышано бысть всем и всюду, яко святитель Спиридон воистинну есть жилище Святыя Троицы: вселися бо в нем Бог Отец, Бог Слово и Бог Дух Святый. Сего ради ты словесы и деяньми проповедал еси всем христианом воплощеннаго истиннаго Бога, вопиющим:

Радуйся, словес Божиих таинниче; радуйся, Домостроительство Божие о спасении мира уяснивый.
Радуйся, яко научил еси не испытовати еже есть превыше разума и мудросте человеческия; радуйся, непостижимую действующую в тебе силу Божию явивый.
Радуйся, яко устами твоими провеща Сам Бог; радуйся, яко вси послушаху тебе в сладость.
Радуйся, мглу идолослужения разгнавый; радуйся, яко многих к истинней вере привел еси.
Радуйся, яко главы невидимых змиев поразил еси; радуйся, яко тобою прославляется вера христианская.
Радуйся, яко светло озаряеши всех ублажающих тя; радуйся, поборниче христианския веры и Православия.
Радуйся, Спиридоне, предивный чудотворче.

Кондак 5
Божественнаго Духа преисполнен был еси, святителю Спиридоне, ради добродетельнаго жития твоего; зане кроток, милостив, чист сердцем, терпелив, непамятозлобив, страннолюбец был еси: сего ради Творец и в чудесех преславна показа тя. Мы же, прославляя Бога, прославльшаго тя, вопием Ему: Аллилуиа.

Икос 5
Равноангельна Спиридона зрим, великаго чудотворца. Некогда страна от бездождия и засухи вельми пострада: бысть глад и язва, и многое множество людей умроша, молитвами же святителя сниде с небесе на землю дождь; людие же, избавльшеся от бедствия, благодарственно взываху:

Радуйся, великому пророку Илии уподобивыйся; радуйся, яко дождь, отъемлющий глад и недуги, благовремение низвел еси.
Радуйся, паки молитвами своими небо заключивый; радуйся, яко немилосердаго купца лишением имения наказал еси.
Радуйся, яко требующим пищу обильно даровал еси; радуйся, яко любоблагоутробие Бога к людем подвизаеши.
Радуйся, вземляй немощи немощных; радуйся, богоблагодатный человеком помощниче.
Радуйся, болящим здравие подаваяй; радуйся, егоже трепещут демони.
Радуйся, безчисленных чудес источниче.
Радуйся, Спиридоне, предивный чудотворче.

Кондак 6
Завеса ветхозаветной скинии закрываше во Святая Святых ковчег, манну и скрижали. И храм твой, святителю Спиридоне, имеет раку твою, яко ковчег, святыя мощи твоя, яко манну, сердце твое, яко скрижали Божественная благодати, на нихже зрим начертанную песнь: Аллилуиа.

Икос 6
Народ Кипра некогда за умножение беззаконий наказа Господь безплодием земли, егда же прииде к святому Спиридону знаемый земледелец, прося помощи, даде ему святый злато; минувшу же бедствию, земледелец оный возврати паки злато, И — о чудесе — злато змий бысть. Прославляюще Бога, дивнаго во святых Своих, вопием:

Радуйся, яко Моисею, чудесно преложившему жезл в змия, подражал еси; радуйся, человеколюбивый пастырю, избавляяй от бед словесныя овцы стада своего.
Радуйся, обильно всех всеми благами обогащаяй; радуйся, яко Илиа, бедных питавый.
Радуйся, немилосердых к милосердию обращаяй; радуйся, достоподражаемый пример любве для человеков, в мире живущих.
Радуйся, верных и неверных в бедах утешение; радуйся, древо сеннолиственное, град и страну осеняющее.
Радуйся, славо и похвало керкирян; радуйся, над влагою и сушею, зноем и хладом благодатию Божиею владычествуяй.
Радуйся, уставы земли молитвою пременяяй; радуйся, будущая, яко настоящая, провидевый.
Радуйся, Спиридоне, предивный чудотворче.

Кондак 7
Ходатай пред Господем за всех явился еси, святителю Спиридоне. Сего ради и мы прибегаем под кров твой, ищуще спасения, вси бо помощника тебе имамы во всех нуждах, во время глада, смертоносныя язвы и во вся годины бед и искушений. Сего ради благодарственно вопием Богу: Аллилуиа.

Икос 7
Новое чудо видим и боголепное; егда ты, отче, шествовал избавити неповинно осужденнаго на смерть, бурный поток прегради путь тебе; ты же именем Всемогущаго Бога повелел ему стати и прешел еси со спутники чрез реку, яко по суху. Слава о сем чудеси распространися всюду, и вси прославиша Бога, вопиюще к тебе:

Радуйся, яко иногда Иисус Навин чрез Иордан, реку по суху прешедый; радуйся, речная устремления гласом своим укротивый.
Радуйся, яко трудный путь предприял еси, движимый милосердием; радуйся, яко клевету разрушил еси и неповиннаго от уз темницы и напрасныя смерти избавил еси.
Радуйся, жизни по Бозе благий поспешниче; радуйся, неповинно угнетенных защитителю.
Радуйся, уставов естества воднаго пременителю; радуйся, яко судию вразумил еси и от убийства спасл еси.
Радуйся, истинное исправление душ; радуйся, дивная сило, потоки удержавающая.
Радуйся, услаждающий сердца человеков, к тебе притекающих; радуйся, человеколюбию Авраама подражателю.
Радуйся, Спиридоне, предивный чудотворче.

Кондак 8
Странник и пришлец был еси на земли, якоже и прочии человецы. Обаче из чрева матере Всеведущий великаго угодника и чудотворца показа тя, святителю Спиридоне: бесы бо изгоняеши, всякую болезнь и язву исцеляеши, помышления людей зриши, темже и дивен во святых показался еси. Мы же, возсылающе молитву ко Благодателю всех Богу, вопием ему: Аллилуиа.

Икос 8
Весь мир ужасом многим содрогнуся, егда услыша, яко смерть, по гласу твоему, возвращает из гробов мертвецы своя, и возопи:

Радуйся, умершую дщерь свою, да явит врученное ей сокровище, к жизни воззвавый; радуйся, скорбную вдовицу, на сохранение злато вдавшую, утешивый.
Радуйся, умершее отроча из мертвых воскресивый; радуйся, яко матерь его, внезапно от радости умершую, ожививый.
Радуйся, яко уподобился еси Илии, молитвами сыну Сарептския жены жизнь возвратившему; радуйся, яко и Елисею, возбудившему от смерти отроча подражал еси.
Радуйся, пастырю, приискренне любящий человеки; радуйся, жене блуднице, слезами нозе твои омывшей, грехи именем Бога отпустивый.
Радуйся, святую ревность верховнаго апостола стяжавый; радуйся, яко нераскаянная грешница, по глаголу твоему, в тяжких болезнех умре.
Радуйся, земли плодоносие молитвами твоими испросивый; радуйся, непреложное воскресения человеков уверение.
Радуйся, Спиридоне, предивный чудотворче.

Кондак 9
Духа Божественнаго осияньми озарен был еси, святителю Спиридоне, имел бо еси духа премудрости, яко мудрыми словесы безумных обуил еси и посреде отцев веру утвердил еси, духа разума, яко умы омраченныя озарил еси; духа страха Божия, яко выну делании богоугодными душу очистил еси. Темже, представ Престолу Вышняго, с сонмом Ангелов воспеваеши Ему: Аллилуиа.

Икос 9
Жезл пастыря словесных овец от Пастыреначальника Господа Иисуса приемый, святый Спиридон не премени жития своего: нестяжателен, кроток, любве ради вся терпяй, не постыдеся пещися и о стаде безсловесных овец. Вся сия возбуждают нас славити Бога и взывати тебе:

Радуйся, славу мира сего яко суетную презревый; радуйся, мзду многу на Небесех стяжавый.
Радуйся, красная мира сего в уметы вменивый; радуйся, сосуде небесных благ.
Радуйся, святейшая пажите киприотов; радуйся, яко тебе ради Бог хищников овец твоих невидимыми узами связа.
Радуйся, татем отеческое вразумление преподавый; радуйся, по милосердию твоему за проведенную без сна нощь овна им даровавый.
Радуйся, непослушанием козлища, яко бы разум имущаго, купца, утаившаго цену его, обличивый; радуйся, утаившаго сребреники твоя к покаянию приведый.
Радуйся, яко страсти корыстолюбия увещанием своим исцелил еси его.
Радуйся, Спиридоне, предивный чудотворче.

Кондак 10
Спасаяй души паствы, Богом тебе вверенныя, ты, святителю Спиридоне, произволением Божиим, зван был еси явити славу свою, паче же славу истиннаго Бога, и в иныя страны, да всюду славят имя Божие, вопиюще: Аллилуиа.

Икос 10
Скорый помощник и заступник во всяких нуждах и скорбех, святый Спиридон, по повелению цареву, якоже и прочий пастыри, прииде во град Антиохию, идеже бе одержимый болезнию царь Константий; святитель главы его коснуся и сотвори здрава. Сему чудеси дивящеся, вопием ти:

Радуйся, егоже в сонном видении Ангел, яко целителя, яви царю; радуйся, Божественныя ради любве трудный путь в старости восприявый.
Радуйся, цареву рабу, ударившему тя в ланиту, по заповеди Спасителя, другую подставивый; радуйся, столпе смирения.
Радуйся, молитвами своими слезно просящему царю здравие даровавый; радуйся, яко уничижением своим раба вразумил еси и немилостивый нрав его пременил еси.
Радуйся, яко благочестию и милосердию царя научил еси; радуйся, яко, ненавидяй земная сокровища, злато царя отвергл еси.
Радуйся, яко ученика своего Трифиллиа от пристрастия к земным благам отвратил еси и сосудом благодати Божия соделал еси; радуйся, яко пришедшу тебе в Александрию идоли падоша.
Радуйся, емуже и беси повинуются; радуйся, яко от идолослужения многих отвратил еси.
Радуйся, Спиридоне, предивный чудотворче.

Кондак 11
Пение ангельское бысть, егда во храме приносил еси, святителю Спиридоне, вечерния молитвы Твоя, и не беша сослужащии тебе. Жителие же града, дивное пение слышавше, внидоша в храм и, никогоже видевше, с Горними силами воспеваху: Аллилуиа.

Икос 11
Светозарное солнце мирови, собеседник Ангелов был еси на земли, святителю Спиридоне; предав же дух твой в руце Божии, преселился еси в горняя селения, моляся за мир пред Престолом Владыки. Мы же, живущии на земли, вопием ти:

Радуйся, яко тебе, еще живу сущу, сослужаху Ангели; радуйся, псалмопение Архангелов слышавый.
Радуйся, видимый образе нашего преображения; радуйся, яко недоставшу елею в храме Бог тебе ради с избытком лампады наполни тем.
Радуйся, лампадо Божественнаго сияния; радуйся, сосуде благодати Божией, обильно, подобие елею, наполняющей душу твою.
Радуйся, неизсякаемый источниче, присно источающий всем токи благодати; радуйся, о немже изумляются Ангели.
Радуйся, преслушание диакона в храме наказавый; радуйся, тщеславившагося своим гласом и гласа, и языка лишивый.
Радуйся, яко во время зноя, внезапу роса, снизшедшая свыше, священную твою главу прохлади; радуйся, в знамении сем близость преставления своего провидевый.
Радуйся, Спиридоне, предивный чудотворче.

Кондак 12
Покров и прибежище бывый всем к тебе притекающим верным еще в житии твоем, ты, святителю, не оставил еси нас сирых и по твоем успении; Бог, побеждающий естества чин, сохрани святые мощи твоя нетленными во укрепление православныя веры и благочестия, в знамение безсмертия, Егоже прославляюще, вопием: Аллилуиа.

Икос 12
Воспеваем тя, святителю Божий, яко удивил еси мир чудесы, истекающими от святых мощей твоих. Вси бо с верою приходящии и лобызающии их получают вся благопотребная просимая. И мы, давшаго тебе крепость, венчавшаго тя венцем нетления и действующаго тобою Бога прославляюще, вопием ти:

Радуйся, во время глада корабельником явивыйся, и пищу доставити повелевый; радуйся, слепым, с верою притекшим к святым мощем твоим, зрение даровавый.
Радуйся, от неисцельныя болезни отрока исцеливый; радуйся, беса из жены изгнавый и здраву ю сотворивый.
Радуйся, возбранный воеводо Керкиры; радуйся, яко полчища злочестивых агарян изгнал еси и корабли их в пучине потопил еси.
Радуйся, егоже видеша окруженнаго сонмом Ангелов, в деснице меч державша и в трепет врагов приведша; радуйся, создати себе храм, во еже совершати в нем литургию на пресном хлебе, воеводе возбранивый.
Радуйся, воеводу латинскаго лютою смертию поразивый; радуйся, молниею изображение его в доме в Венеции сожегший.
Радуйся, отступльства и лжемудрования Запада посрамивый; радуйся, единую православную веру быти истинную и спасительную для человеков утвердивый.
Радуйся, Спиридоне, предивный чудотворче!

Кондак 13
О пречудный святителю Христов, отче Спиридоне! Нынешнее наше моление прием, избави нас от всех бед и напастей, укрепи на враги страну нашу, даруй нам оставление прегрешений и изми от вечныя смерти всех вопиющих о тебе к Богу: Аллилуиа!(Этот кондак читается трижды, затем икос 1 и кондак 1)

Икос 1
От юности украшенный всеми добродетельми, житием своим Ангелом подражавый, ты, святителю Спиридоне, воистинну показался еси друг Христов; мы же, зряще тя, небеснаго человека и земнаго ангела, со благоговением умильно вопием ти:

Радуйся, уме, созерцаяй тайны Пресвятыя Троицы; радуйся, обогативыйся Духа пресветлым осиянием.
Радуйся, светильниче многосветлый; радуйся, ум твой безстрастием просветивый.
Радуйся, измлада истинную простоту и безмолвие возлюбивый; радуйся, украшение целомудрия.
Радуйся, любве неистощимая струя; радуйся, яко страннолюбию Авраама подражал еси.
Радуйся, яко всем любвеобильно входы дома своего отверзал еси; радуйся, нищих предстателю.
Радуйся, пред нимже благоговеют людие; радуйся, яко ты еси обиталище Пресвятаго Духа.
Радуйся, Спиридоне, предивный чудотворче!

Кондак 1
Препрославленный от Господа святителю и чудотворче Спиридоне! Ныне всечестную память твою празднующе, яко много могущему споспешествовати нам о прославльшем тя Христе, умильно вопием ти: избави нас от всяких бед и зол, да с благодарением зовем ти: Радуйся, Спиридоне, предивный чудотворче!

Молитвы святителю Спиридону Тримифунтскому

Молитва первая
О Великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость же жития твоего Ангелы невидимо в церкви поющия и сослужащия тебе имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и обличати неправедно живущия. Многим в скудости и недостаточестве живущим ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да выну возсылаем славу и благодарение Отцу, и Сыну, и Духу Святому, ныне, и присно, и во веки веков. Аминь.

Молитва вторая
О всеблаженне святителю Спиридоне, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящий сильныя твоея помощи. Умоли благоутробие Человеколюбца Бога, да не осудит нас по беззакониим нашим, но да сотворит с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления! Избави всех верою несумненною к Богу приходящих от всяких бед душевных и телесных. от всех томлений и диавольских наветов! Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкия помощи твоея требующим вся, яже ко спасению, полезная! Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне, и присно и во веки веков. Аминь.

Молитва третья
О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим (имена), у Христа и Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков.

Тропарь святителю Спиридону, епископу Тримифунтскому, чудотворцу

Тропарь, глас 4
Собора Перваго показался еси поборник и чудотворец, богоносе Спиридоне, отче наш. Темже мертву ты во гробе возгласив и змию в злато претворил еси, и внегда пети тебе святыя молитвы, Ангелы сослужащия тебе имел еси, священнейший. Слава Давшему тебе крепость, слава Венчавшему тя, слава Действующему тобою всем исцеления.

Кондак, глас 2
Любовию Христовою уязвився, священнейший, ум вперив зарею Духа, деятельным видением твоим деяние обрел еси, Богоприятне, жертвенник Божественный быв, прося всем Божественнаго сияния.

Жизнь святого считалась чудотворной. Он родился на острове Кипр в обеспеченной семье. Еще в детстве он помогал людям. Спиридон был обычным земледельцем и вел праведную жизнь, соблюдая закон Божий. Он показывал людям любовь Бога. Тем, кто был голоден, давал пищу, а тем, у кого не было крыши над головой, давал пристанище.

Бог наделил его дарами. Он исцелял больных, изгонял бесов, воскрешал из мертвых. Он многим помог при жизни, многие обращаются к нему и после смерти. Молитва должна иметь чистые помыслы и основываться на вере в то, что Бог есть и ищущим Его воздает. Спиридон Тримифунтскимй мог повелевать стихиям. На иконах его изображают в пастушьей шапке, что подчеркивает его ремесло при жизни.

Прежде чем читать акафист, следует ознакомиться, как делать это правильно.

Молиться можно в любое время, если только в этот день не проводится пост. Для начала нужно купить в лавке при церкви икону святого. Далее нужно конкретно излагать свою просьбу. Это можно делать вслух или мысленно. После можно приступить к чтению акафиста.

Читать акафист нужно ежедневно на протяжении 40 дней. В молитве следует быть постоянным и просить с верой, не допуская сомнения в сердце. Зажгите перед молитвой свечи – такая атмосфера поможет отвлечься от мирских проблем и сосредоточиться на прошении. Ответ придет обязательно. Чем сильнее вы верите, тем быстрее ситуация разрешится.

В молении не только сосредотачивайтесь на просьбе, но и благодарите Бога за все, что имеете. Можете изливать благодарность своими словами от сердца.

Если вы верите и обращаетесь с чистым сердцем, то обязательно получите ответ, и ваши проблемы разрешатся. Нельзя просить о том, чтобы материальное положение улучшилось за счет других. Сердце и помыслы во время молитвы должны быть чистыми.

В этом видео содержится акафист Спиридону Тримифунтскому с текстовым сопровождением.

Конда́к 1

Препросла́вленный от Го́спода святи́телю и чудотво́рче Спиридо́не! Ны́не всечестну́ю па́мять твою́ пра́зднующе, я́ко мно́го могу́щему споспешествова́ти на́м о просла́вльшем тя́ Христе́, уми́льно вопие́м ти́: изба́ви на́с от вся́ких бе́д и зо́л, да с благодаре́нием зове́м ти́:

Ра́дуйся, Спиридо́не, преди́вный чудотво́рче.

И́кос 1

От ю́ности украше́нный все́ми доброде́тельми, житие́м свои́м А́нгелом подража́вый, ты́, святи́телю Спиридо́не, вои́стинну показа́лся еси́ дру́г Христо́в; мы́ же, зря́ще тя́, небе́снаго челове́ка и земна́го А́нгела, со благогове́нием уми́льно вопие́м ти́:

Ра́дуйся, у́ме, созерца́яй та́йны Пресвяты́я Тро́ицы; ра́дуйся, обогати́выйся Ду́ха пресве́тлым осия́нием.

Ра́дуйся, свети́льниче многосве́тлый; ра́дуйся, у́м тво́й безстра́стием просвети́вый.

Ра́дуйся, измла́да и́стинную простоту́ и безмо́лвие возлюби́вый; ра́дуйся, украше́ние целому́дрия.

Ра́дуйся, любве́ неистощи́мая струя́; ра́дуйся, я́ко страннолю́бию Авраа́ма подража́л еси́.

Ра́дуйся, я́ко все́м любвеоби́льно вхо́ды до́ма своего́ отверза́л еси́; ра́дуйся, ни́щих предста́телю.

Ра́дуйся, пред ни́мже благогове́ют лю́дие; ра́дуйся, я́ко ты́ еси́ обита́лище Пресвята́го Ду́ха.

Ра́дуйся, Спиридо́не, преди́вный чудотво́рче.

Конда́к 2

Ви́дяще о́стров Ки́пр и вся́ христиа́нския стра́ны нетле́нныя мо́щи твоя́, святи́телю, от ни́хже истека́ют оби́льная исцеле́ния, возра́довашася; и мы́, почита́юще тя́ я́ко преоби́льнаго исто́чника благода́ти, низпо́сланнаго свы́ше на́м, вопие́м к Верхо́вному Пода́телю Небе́сных и земны́х бла́г: Аллилу́иа.

И́кос 2

Ра́зум Боже́ственный имы́й, а́ще сы́й па́стырь безслове́сных ове́ц, ты́ произволе́нием Пастыренача́льника Христа́ избра́н бы́л еси́ в па́стыря ове́ц слове́сных. Ве́рнии же, разуме́вше тя́ до́браго па́стыря, неусы́пно о ста́де свое́м пеку́щагося, воспева́ху:

Ра́дуйся, архиере́е Бо́га Вы́шняго, в хирото́нии восприя́вый оби́льно Боже́ственную благода́ть; ра́дуйся, свети́льниче многосве́тлый, горя́й и светя́й.

Ра́дуйся, ве́рный де́лателю в вертогра́де Христо́вом; ра́дуйся, па́стырю, на па́жити ве́ры и благоче́стия па́ству свою́ воспита́вый.

Ра́дуйся, сия́ньми доброде́телей твои́х ми́р просвеща́вый; ра́дуйся, Престо́лу Христо́ву Боже́ственную Же́ртву приноси́вый.

Ра́дуйся, иера́рше, разуме́нием Правосла́вия украше́нный; ра́дуйся, апо́стольскаго уче́ния испо́лненный, ве́рных струя́ми спаси́тельнаго уче́ния напая́яй.

Ра́дуйся, я́ко и му́дрых озари́л еси́; ра́дуйся, я́ко и просты́х сердца́ обнови́л еси́.

Ра́дуйся, сла́во правосла́вных и Це́ркве непоколеби́мое утвержде́ние; ра́дуйся, украше́ние отце́в, сла́во и похвало́ иере́ев благогове́йных.

Ра́дуйся, Спиридо́не, преди́вный чудотво́рче.

Конда́к 3

Си́лою Вы́шняго, осени́вшею тя́, святи́телю Спиридо́не, богому́др ты́ показа́лся еси́ и, сжа́вши дла́нию гли́ну, тро́ичность Ли́ц все́м очеви́дно уясни́л еси́; те́мже лжему́дрии фило́софи, собра́вшиися на Собо́ре, ужасо́шася, ве́рнии же непостижи́маго просла́виша Бо́га, умудри́вшаго тя́ во спасе́ние, вопию́ще Ему́: Аллилу́иа.

И́кос 3

Име́юще тя́ в помышле́ниих свои́х вси́ отцы́ Собо́ра про́ста, неиску́сна в кни́жнем уче́нии, моли́ша тя́, о́тче Спиридо́не, не препира́тися словесы́ с вити́ею, мня́щимся му́дру бы́ти. Ты́ же, святи́телю, ре́вностию по Бо́зе распаля́емый, ве́руя, я́ко про́поведь Христо́ва не в препре́тельных му́дрости челове́ческия словесе́х, но в явле́нии ду́ха и си́лы, прему́дре того́ обличи́в, вразуми́л и на пу́ть и́стинный наста́вил еси́. Вси́, ви́девше чу́до сие́, взыва́ху:

Ра́дуйся, све́те правосла́вныя му́дрости; ра́дуйся, я́ко глаго́лемых бы́ти му́дрых совопро́сников посрами́л еси́.

Ра́дуйся, исто́чниче, благода́тию оби́льный; ра́дуйся, непоколеби́мый сто́лпе, тве́рдо содержа́щий су́щих в ве́ре.

Ра́дуйся, омрача́яй всепа́губную е́ресь; ра́дуйся, чрез него́же попра́но бы́сть безу́мие.

Ра́дуйся, я́ко пе́рсть земна́я пропове́да твои́ма рука́ма Святу́ю Тро́ицу; ра́дуйся, я́ко из гли́ны изве́л еси́ о́гнь и во́ду во утвержде́ние догма́та Святы́я Тро́ицы.

Ра́дуйся, я́ко просвети́л еси́ лю́ди сла́вити Сло́во, вои́стинну Единосу́щное Пребезнача́льному Отцу́; ра́дуйся, я́ко зми́еву главу́ па́губныя а́риевы е́реси порази́л еси́.

Ра́дуйся, я́ко тобо́ю поже́рта бы́сть зло́ба; ра́дуйся, неве́рнаго мудреца́ совопро́сника к и́стинней ве́ре обрати́вый.

Ра́дуйся, Спиридо́не, преди́вный чудотво́рче.

Конда́к 4

Жи́знь проводя́ в убо́жестве и нищете́, ни́щим и бе́дным бы́л еси́ пита́тель и помо́щник и, любве́ ра́ди к ни́щим, зми́я в зла́то преложи́л еси́ и да́л еси́ о́ное тре́бующему твоея́ по́мощи. Дивя́щеся о чудеси́ се́м, благода́рственно вопие́м к Бо́гу: Аллилу́иа.

И́кос 4

Слы́шано бы́сть все́м и всю́ду, я́ко святи́тель Спиридо́н вои́стинну е́сть жили́ще Святы́я Тро́ицы: всели́ся бо в не́м Бо́г Оте́ц, Бо́г Сло́во и Бо́г Ду́х Святы́й. Сего́ ра́ди ты́ словесы́ и дея́ньми пропове́дал еси́ все́м христиа́ном воплоще́ннаго и́стиннаго Бо́га, вопию́щим:

Ра́дуйся, слове́с Бо́жиих таи́нниче; ра́дуйся, домострои́тельство Бо́жие о спасе́нии ми́ра уясни́вый.

Ра́дуйся, я́ко научи́л еси́ не испы́товати е́же е́сть превы́ше ра́зума и му́дрости челове́ческия; ра́дуйся, непостижи́мую де́йствующую в тебе́ си́лу Бо́жию яви́вый.

Ра́дуйся, я́ко уста́ми твои́ми провеща́ Са́м Бо́г; ра́дуйся, я́ко вси́ послу́шаху тебе́ в сла́дость.

Ра́дуйся, мглу́ идолослуже́ния разгна́вый; ра́дуйся, я́ко мно́гих к и́стинней ве́ре приве́л еси́.

Ра́дуйся, я́ко главы́ неви́димых зми́ев порази́л еси́; ра́дуйся, я́ко тобо́ю прославля́ется ве́ра христиа́нская.

Ра́дуйся, я́ко све́тло озаря́еши все́х ублажа́ющих тя́; ра́дуйся, побо́рниче христиа́нския ве́ры и Правосла́вия.

Ра́дуйся, Спиридо́не, преди́вный чудотво́рче.

Конда́к 5

Боже́ственнаго Ду́ха преиспо́лнен бы́л еси́, святи́телю Спиридо́не, ра́ди доброде́тельнаго жития́ твоего́; зане́ кро́ток, ми́лостив, чи́ст се́рдцем, терпели́в, непамятозло́бив, страннолю́бец бы́л еси́: сего́ ра́ди Творе́ц и в чудесе́х пресла́вна показа́ тя́. Мы́ же, прославля́я Бо́га, просла́вльшаго тя́, вопие́м Ему́: Аллилу́иа.

И́кос 5

Равноа́нгельна Спиридо́на зри́м, вели́каго чудотво́рца. Не́когда страна́ от бездо́ждия и за́сухи вельми́ пострада́: бы́сть гла́д и я́зва, и мно́гое мно́жество люде́й умро́ша, моли́твами же святи́теля сни́де с небесе́ на зе́млю до́ждь; лю́дие же, изба́вльшеся от бе́дствия, благода́рственно взыва́ху:

Ра́дуйся, вели́кому проро́ку Илии́ уподо́бивыйся; ра́дуйся, я́ко до́ждь, отъе́млющий гла́д и неду́ги, благовре́менне низве́л еси́.

Ра́дуйся, па́ки моли́твами свои́ми не́бо заключи́вый; ра́дуйся, я́ко немилосе́рдаго купца́ лише́нием име́ния наказа́л еси́.

Ра́дуйся, я́ко тре́бующим пи́щу оби́льно дарова́л еси́; ра́дуйся, я́ко любоблагоутро́бие Бо́га к лю́дем подвиза́еши.

Ра́дуйся, взе́мляй не́мощи немощны́х; ра́дуйся, богоблагода́тный челове́ком помо́щниче.

Ра́дуйся, боля́щим здра́вие подава́яй; ра́дуйся, его́же трепе́щут де́мони.

Ра́дуйся, безчи́сленных чуде́с исто́чниче.

Ра́дуйся, Спиридо́не, преди́вный чудотво́рче.

Конда́к 6

Заве́са ветхозаве́тной ски́нии закрыва́ше во Свята́я Святы́х ковче́г, ма́нну и скрижа́ли. И хра́м тво́й, святи́телю Спиридо́не, име́ет ра́ку твою́, я́ко ковче́г, святы́я мо́щи твоя́, я́ко ма́нну, се́рдце твое́, я́ко скрижа́ли Боже́ственныя благода́ти, на ни́хже зри́м начерта́нную пе́снь: Аллилу́иа.

И́кос 6

Наро́д Ки́пра не́когда за умноже́ние беззако́ний наказа́ Госпо́дь безпло́дием земли́, егда́ же прии́де к свято́му Спиридо́ну зна́емый земледе́лец, прося́ по́мощи, даде́ ему́ святы́й зла́то; мину́вшу же бе́дствию, земледе́лец о́ный возврати́ па́ки зла́то. И — о чудесе́! — зла́то зми́й бы́сть. Прославля́юще Бо́га, ди́внаго во святы́х Свои́х, вопие́м:

Ра́дуйся, я́ко Моисе́ю, чуде́сно преложи́вшему же́зл в зми́я, подража́л еси́; ра́дуйся, человеколюби́вый па́стырю, избавля́яй от бе́д слове́сныя о́вцы ста́да своего́.

Ра́дуйся, оби́льно все́х все́ми бла́гами обогаща́яй; ра́дуйся, я́ко Илия́, бе́дных пита́вый.

Ра́дуйся, немилосе́рдых к милосе́рдию обраща́яй; ра́дуйся, достоподража́емый приме́р любве́ для челове́ков, в ми́ре живу́щих.

Ра́дуйся, ве́рных и неве́рных в беда́х утеше́ние; ра́дуйся, дре́во сенноли́ственное, гра́д и страну́ осеня́ющее.

Ра́дуйся, сла́во и похвало́ керки́рян; ра́дуйся, над вла́гою и су́шею, зно́ем и хла́дом благода́тию Бо́жиею влады́чествуяй.

Ра́дуйся, уста́вы земли́ моли́твою пременя́яй; ра́дуйся, бу́дущая, я́ко настоя́щая, прови́девый.

Ра́дуйся, Спиридо́не, преди́вный чудотво́рче.

Конда́к 7

Хода́тай пред Го́сподем за все́х яви́лся еси́, святи́телю Спиридо́не: сего́ ра́ди и мы́ прибега́ем под кро́в тво́й, и́щуще спасе́ния, вси́ бо помо́щника тебе́ и́мамы во все́х ну́ждах, во вре́мя гла́да, смертоно́сныя я́звы и во вся́ годи́ны бе́д и искуше́ний. Сего́ ра́ди благода́рственно вопие́м Бо́гу: Аллилу́иа.

И́кос 7

Но́вое чу́до ви́дим и боголе́пное: егда́ ты́, о́тче, ше́ствовал изба́вити непови́нно осужде́ннаго на сме́рть, бу́рный пото́к прегради́ пу́ть тебе́; ты́ же и́менем Всемогу́щаго Бо́га повеле́л ему́ ста́ти и преше́л еси́ со спу́тники чрез реку́, я́ко по су́ху. Сла́ва о се́м чудеси́ распространи́ся всю́ду, и вси́ просла́виша Бо́га, вопию́ще к тебе́:

Ра́дуйся, я́ко иногда́ Иису́с Нави́н чрез Иорда́н реку́ по су́ху преше́дый; ра́дуйся, ре́чная устремле́ния гла́сом свои́м укроти́вый.

Ра́дуйся, я́ко тру́дный пу́ть предприя́л еси́, дви́жимый милосе́рдием; ра́дуйся, я́ко клевету́ разруши́л еси́ и непови́ннаго от у́з темни́цы и напра́сныя сме́рти изба́вил еси́.

Ра́дуйся, жи́зни по Бо́зе благи́й поспе́шниче; ра́дуйся, непови́нно угнете́нных защи́тителю.

Ра́дуйся, уста́вов естества́ во́днаго премени́телю; ра́дуйся, я́ко судию́ вразуми́л еси́ и от уби́йства спа́сл еси́.

Ра́дуйся, и́стинное исправле́ние ду́ш; ра́дуйся, ди́вная си́ло, пото́ки удержава́ющая.

Ра́дуйся, услажда́ющий сердца́ челове́ков, к тебе́ притека́ющих; ра́дуйся, человеколю́бию Авраа́ма подража́телю.

Ра́дуйся, Спиридо́не, преди́вный чудотво́рче.

Конда́к 8

Стра́нник и пришле́ц бы́л еси́ на земли́, я́коже и про́чии челове́цы. Оба́че из чре́ва ма́тере Всеве́дущий вели́каго уго́дника и чудотво́рца показа́ тя́, святи́телю Спиридо́не: бе́сы бо изгоня́еши, вся́кую боле́знь и я́зву исцеля́еши, помышле́ния люде́й зри́ши, те́мже и ди́вен во святы́х показа́лся еси́. Мы́ же, возсыла́юще моли́тву ко Благода́телю все́х Бо́гу, вопие́м Ему́: Аллилу́иа.

И́кос 8

Ве́сь ми́р у́жасом мно́гим содрогну́ся, егда́ услы́ша, я́ко сме́рть, по гла́су твоему́, возвраща́ет из гробо́в мертвецы́ своя́, и возопи́:

Ра́дуйся, уме́ршую дще́рь свою́, да яви́т вруче́нное е́й сокро́вище, к жи́зни воззва́вый; ра́дуйся, ско́рбную вдови́цу, на сохране́ние зла́то вда́вшую, уте́шивый.

Ра́дуйся, уме́ршее отроча́ из ме́ртвых воскреси́вый; ра́дуйся, я́ко ма́терь его́, внеза́пно от ра́дости уме́ршую, оживи́вый.

Ра́дуйся, я́ко уподо́бился еси́ Илии́, моли́твами сы́ну саре́птския жены́ жи́знь возврати́вшему; ра́дуйся, я́ко и Елиссе́ю, возбуди́вшему от сме́рти отроча́, подража́л еси́.

Ра́дуйся, па́стырю, преи́скренне лю́бящий челове́ки; ра́дуйся, жене́ блудни́це, слеза́ми но́зе твои́ омы́вшей, грехи́ и́менем Бо́га отпусти́вый.

Ра́дуйся, святу́ю ре́вность верхо́внаго апо́стола стяжа́вый; ра́дуйся, я́ко нераска́янная гре́шница, по глаго́лу твоему́, в тя́жких боле́знех у́мре.

Ра́дуйся, земли́ плодоно́сие моли́твами твои́ми испроси́вый; ра́дуйся, непрело́жное воскресе́ния челове́ков увере́ние.

Ра́дуйся, Спиридо́не, преди́вный чудотво́рче.

Конда́к 9

Ду́ха Боже́ственнаго осия́ньми озаре́н бы́л еси́, святи́телю Спиридо́не, име́л бо еси́ ду́ха прему́дрости, я́ко му́дрыми словесы́ безу́мных обуи́л еси́ и посреде́ отце́в ве́ру утверди́л еси́; ду́ха ра́зума, я́ко умы́ омраче́нныя озари́л еси́; ду́ха стра́ха Бо́жия, я́ко вы́ну де́лании богоуго́дными ду́шу очи́стил еси́. Те́мже, предста́в Престо́лу Вы́шняго, с со́нмом А́нгелов воспева́еши Ему́: Аллилу́иа.

И́кос 9

Же́зл па́стыря слове́сных ове́ц от Пастыренача́льника Го́спода Иису́са прие́мый, святы́й Спиридо́н не премени́ жития́ своего́: нестяжа́телен, кро́ток, любве́ ра́ди вся́ терпя́й, не постыде́ся пещи́ся и о ста́де безслове́сных ове́ц. Вся́ сия́ возбужда́ют на́с сла́вити Бо́га и взыва́ти тебе́:

Ра́дуйся, сла́ву ми́ра сего́ я́ко су́етную презре́вый; ра́дуйся, мзду́ мно́гу на Небесе́х стяжа́вый.

Ра́дуйся, кра́сная ми́ра сего́ в уме́ты вмени́вый; ра́дуйся, сосу́де Небе́сных бла́г.

Ра́дуйся, святе́йшая па́жите киприо́тов; ра́дуйся, я́ко тебе́ ра́ди Бо́г хи́щников ове́ц твои́х неви́димыми у́зами связа́.

Ра́дуйся, та́тем оте́ческое вразумле́ние препода́вый; ра́дуйся, по милосе́рдию твоему́ за проведе́нную без сна́ но́щь овна́ и́м дарова́вый.

Ра́дуйся, непослуша́нием ко́злища, я́ко бы ра́зум иму́щаго, купца́, утаи́вшаго це́ну его́, обличи́вый; ра́дуйся, утаи́вшаго сре́бреники твоя́ к покая́нию приведы́й.

Ра́дуйся, я́ко стра́сти корыстолю́бия увеща́нием свои́м исцели́л еси́ его́.

Ра́дуйся, Спиридо́не, преди́вный чудотво́рче.

Конда́к 10

Спаса́яй ду́ши па́ствы, Бо́гом тебе́ вве́ренныя, ты́, святи́телю Спиридо́не, произволе́нием Бо́жиим, зва́н бы́л еси́ яви́ти сла́ву твою́, па́че же сла́ву И́стиннаго Бо́га, и в ины́я страны́, да всю́ду сла́вят И́мя Бо́жие, вопию́ще: Аллилу́иа.

И́кос 10

Ско́рый помо́щник и засту́пник во вся́ких ну́ждах и ско́рбех, святы́й Спиридо́н, по повеле́нию царе́ву, я́коже и про́чии па́стыри, прии́де во гра́д Антиохи́ю, иде́же бе́ одержи́мый боле́знию ца́рь Константи́н; святи́тель главы́ его́ косну́ся и сотвори́ здра́ва. Сему́ чудеси́ дивя́щеся, вопие́м ти́:

Ра́дуйся, его́же в со́нном виде́нии А́нгел, я́ко цели́теля, яви́ царю́; ра́дуйся, Боже́ственныя ра́ди любве́ тру́дный пу́ть в ста́рости восприя́вый.

Ра́дуйся, царе́ву рабу́, уда́рившему тя́ в лани́ту, по за́поведи Спаси́теля, другу́ю подста́вивый; ра́дуйся, сто́лпе смире́ния.

Ра́дуйся, моли́твами свои́ми сле́зно прося́щему царю́ здра́вие дарова́вый; ра́дуйся, я́ко уничиже́нием свои́м раба́ вразуми́л еси́ и неми́лостивый нра́в его́ премени́л еси́.

Ра́дуйся, я́ко благоче́стию и милосе́рдию царя́ научи́л еси́; ра́дуйся, я́ко, ненави́дяй земна́я сокро́вища, зла́то царя́ отве́ргл еси́.

Ра́дуйся, я́ко ученика́ своего́ Трифи́ллиа от пристра́стия к земны́м бла́гам отврати́л еси́ и сосу́дом благода́ти Бо́жия соде́лал еси́; ра́дуйся, я́ко прише́дшу тебе́ в Александри́ю, и́доли падо́ша.

Ра́дуйся, ему́же и бе́си повину́ются; ра́дуйся, я́ко от идолослуже́ния мно́гих отврати́л еси́.

Ра́дуйся, Спиридо́не, преди́вный чудотво́рче.

Конда́к 11

Пе́ние а́нгельское бы́сть, егда́ во хра́ме приноси́л еси́, святи́телю Спиридо́не, вече́рния моли́твы Твоя́, и не бе́ша сослужа́щии тебе́. Жи́телие же гра́да, ди́вное пе́ние слы́шавше, внидо́ша в хра́м и, никого́же ви́девше, с Го́рними си́лами воспева́ху: Аллилу́иа.

И́кос 11

Светоза́рное со́лнце ми́рови, собесе́дник А́нгелов бы́л еси́ на земли́, святи́телю Спиридо́не; преда́в же ду́х тво́й в ру́це Бо́жии, пресели́лся еси́ в Го́рняя селе́ния, моля́ся за ми́р пред Престо́лом Влады́ки. Мы́ же, живу́щии на земли́, вопие́м ти́:

Ра́дуйся, я́ко тебе́, еще́ жи́ву су́щу, сослужа́ху А́нгели; ра́дуйся, псалмопе́ние Арха́нгелов слы́шавый.

Ра́дуйся, ви́димый о́бразе на́шего преображе́ния; ра́дуйся, я́ко недоста́вшу еле́ю в хра́ме Бо́г тебе́ ра́ди с избы́тком лампа́ды напо́лни те́м.

Ра́дуйся, лампа́до Боже́ственнаго сия́ния; ра́дуйся, сосу́де благода́ти Бо́жией, оби́льно, подо́бне еле́ю, наполня́ющей ду́шу твою́.

Ра́дуйся, неизсяка́емый исто́чниче, при́сно источа́ющий все́м то́ки благода́ти; ра́дуйся, о не́мже изумля́ются А́нгели.

Ра́дуйся, преслуша́ние диа́кона в хра́ме наказа́вый; ра́дуйся, тщесла́вившагося свои́м гла́сом, и гла́са и язы́ка лиши́вый.

Ра́дуйся, я́ко, во вре́мя зно́я, внеза́пу роса́, снизше́дшая Свы́ше, свяще́нную твою́ главу́ прохлади́; ра́дуйся, в зна́мении се́м бли́зость преставле́ния своего́ прови́девый.

Ра́дуйся, Спиридо́не, преди́вный чудотво́рче.

Конда́к 12

Покро́в и прибе́жище бы́вый все́м к тебе́ притека́ющим ве́рным еще́ в житии́ твое́м, ты́, святи́телю, не оста́вил еси́ на́с си́рых и по твое́м успе́нии; Бо́г, побежда́ющий естества́ чи́н, сохрани́ святы́я мо́щи твоя́ нетле́нными во укрепле́ние правосла́вныя ве́ры и благоче́стия, в зна́мение безсме́ртия, Его́же прославля́юще, вопие́м: Аллилу́иа.

И́кос 12

Воспева́ем тя́, святи́телю Бо́жий, я́ко удиви́л еси́ ми́р чудесы́, истека́ющими от святы́х моще́й твои́х. Вси́ бо с ве́рою приходя́щии и лобыза́ющии и́х получа́ют вся́ благопотре́бная проси́мая. И мы́, да́вшаго тебе́ кре́пость, венча́вшаго тя́ венце́м нетле́ния и де́йствующаго тобо́ю Бо́га прославля́юще, вопие́м ти́:

Ра́дуйся, во вре́мя гла́да корабе́льником яви́выйся и пи́щу доста́вити повеле́вый; ра́дуйся, слепы́м, с ве́рою прите́кшим к святы́м моще́м твои́м, зре́ние дарова́вый.

Ра́дуйся, от неисце́льныя боле́зни о́трока исцели́вый; ра́дуйся, бе́са из жены́ изгна́вый и здра́ву ю́ сотвори́вый.

Ра́дуйся, возбра́нный воево́до Керки́ры; ра́дуйся, я́ко по́лчища злочести́вых ага́рян изгна́л еси́ и корабли́ и́х в пучи́не потопи́л еси́.

Ра́дуйся, его́же ви́деша окруже́ннаго со́нмом А́нгелов, в десни́це ме́ч держа́вша и в тре́пет враго́в приве́дша; ра́дуйся, созда́ти себе́ хра́м, во е́же соверша́ти в не́м литурги́ю на пре́сном хле́бе, воево́де возбрани́вый.

Ра́дуйся, воево́ду лати́нскаго лю́тою сме́ртию порази́вый; ра́дуйся, мо́лниею изображе́ние его́ в до́ме в Вене́ции соже́гший.

Ра́дуйся, отсту́пльства и лжемудрова́ния За́пада посрами́вый; ра́дуйся, еди́ную правосла́вную ве́ру бы́ти и́стинную и спаси́тельную для челове́ков утверди́вый.

Ра́дуйся, Спиридо́не, преди́вный чудотво́рче.

Конда́к 13

О пречу́дный святи́телю Христо́в, о́тче Спиридо́не! Ны́нешнее на́ше моле́ние прие́м, изба́ви на́с от все́х бе́д и напа́стей, укрепи́ на враги́ страну́ на́шу, да́руй на́м оставле́ние прегреше́ний и изми́ от ве́чныя сме́рти все́х вопию́щих о тебе́ к Бо́гу: Аллилу́иа.

Этот конда́к читается трижды, затем и́кос 1-й и конда́к 1-й.

И́кос 1

От ю́ности украше́нный все́ми доброде́тельми, житие́м свои́м А́нгелом подража́вый, ты́, святи́телю Спиридо́не, вои́стинну показа́лся еси́ дру́г Христо́в; мы́ же, зря́ще тя́, небе́снаго челове́ка и земна́го А́нгела, со благогове́нием уми́льно вопие́м ти́:

Ра́дуйся, у́ме, созерца́яй та́йны Пресвяты́я Тро́ицы; ра́дуйся, обогати́выйся Ду́ха пресве́тлым осия́нием.

Ра́дуйся, свети́льниче многосве́тлый; ра́дуйся, у́м тво́й безстра́стием просвети́вый.

Ра́дуйся, измла́да и́стинную простоту́ и безмо́лвие возлюби́вый; ра́дуйся, украше́ние целому́дрия.

Ра́дуйся, любве́ неистощи́мая струя́; ра́дуйся, я́ко страннолю́бию Авраа́ма подража́л еси́.

Ра́дуйся, я́ко все́м любвеоби́льно вхо́ды до́ма своего́ отверза́л еси́; ра́дуйся, ни́щих предста́телю.

Ра́дуйся, пред ни́мже благогове́ют лю́дие; ра́дуйся, я́ко ты́ еси́ обита́лище Пресвята́го Ду́ха.

Ра́дуйся, Спиридо́не, преди́вный чудотво́рче.

Конда́к 1

Препросла́вленный от Го́спода святи́телю и чудотво́рче Спиридо́не! Ны́не всечестну́ю па́мять твою́ пра́зднующе, я́ко мно́го могу́щему споспешествова́ти на́м о просла́вльшем тя́ Христе́, уми́льно вопие́м ти́: изба́ви на́с от вся́ких бе́д и зо́л, да с благодаре́нием зове́м ти́:

Ра́дуйся, Спиридо́не, преди́вный чудотво́рче.

Моли́тва

О вели́кий и пречу́дный святи́телю Христо́в и чудотво́рче Спиридо́не, Керки́рская похвало́, всея́ вселе́нныя свети́льниче пресве́тлый, те́плый к Бо́гу моли́твенниче и все́м к тебе́ прибега́ющим и с ве́рою моля́щимся скоропредста́тельный засту́пниче! Ты́ ве́ру правосла́вную на Нике́йстем Собо́ре посреде́ отце́в пресла́вно изъясни́л еси́, триеди́нство Святы́я Тро́ицы чуде́сною си́лою показа́л еси́ и еретико́в до конца́ посрами́л еси́. Услы́ши на́с, гре́шных, святи́телю Христо́в, моля́щихся тебе́, и си́льным твои́м предста́тельством у Го́спода изба́ви на́с от вся́каго зла́го обстоя́ния: от гла́да, пото́па, огня́ и смертоно́сныя я́звы. Ты́ бо во вре́менней жи́зни свое́й от все́х си́х бе́дствий избавля́л еси́ люде́й твои́х: от наше́ствия ага́рян и от гла́да страну́ твою́ сохрани́л еси́, царя́ от неисце́льнаго неду́га изба́вил и мно́гия гре́шники к покая́нию приве́л еси́, ме́ртвых пресла́вно воскреша́л еси́, за свя́тость же жития́ твоего́ А́нгелы, неви́димо в це́ркви пою́щия и сослужа́щия тебе́, име́л еси́. Си́це у́бо просла́ви тебе́, ве́рнаго Своего́ раба́, Влады́ка Христо́с, я́ко вся́ та́йная челове́ческая дея́ния дарова́ тебе́ разуме́ти и облича́ти непра́ведно живу́щия. Мно́гим, в ску́дости и недоста́точестве живу́щим, ты́ усе́рдно помога́л еси́, лю́ди убо́гия изоби́льно во вре́мя гла́да напита́л еси́ и и́на мно́га зна́мения си́лою в тебе́ живу́щаго Ду́ха Бо́жия сотвори́л еси́. Си́це и на́с не оста́ви, святи́телю Христо́в, помина́й на́с, ча́д свои́х, у Престо́ла Вседержи́теля и умоли́ Го́спода, да пода́ст мно́гих на́ших грехо́в проще́ние, безбе́дное и ми́рное житие́ да да́рует на́м, кончи́ны же живота́ непосты́дныя и ми́рныя, и блаже́нства ве́чнаго в бу́дущем ве́це сподо́бит на́с, да вы́ну возсыла́ем сла́ву и благодаре́ние Отцу́ и Сы́ну и Ду́ху Свято́му, ны́не и при́сно и во ве́ки веко́в. Ами́нь.

Моли́тва втора́я

О всеблаже́нне святи́телю Спиридо́не, вели́кий уго́дниче Христо́в и пресла́вный чудотво́рче! Предстоя́й на Небеси́ Престо́лу Бо́жию с ли́ки А́нгел, при́зри ми́лостивым о́ком на предстоя́щия зде́ лю́ди и прося́щия си́льныя твоея́ по́мощи. Умоли́ благоутро́бие Человеколю́бца Бо́га, да не осу́дит на́с по беззако́ниим на́шим, но да сотвори́т с на́ми по ми́лости Свое́й. Испроси́ на́м у Христа́ и Бо́га на́шего ми́рное и безмяте́жное житие́, здра́вие душе́вное и теле́сное, земли́ благопло́дие и во все́м вся́кое изоби́лие и благоде́нствие, и да не во зло́ обрати́м блага́я, да́руемая на́м от ще́драго Бо́га, но во сла́ву Его́ и в прославле́ние твоего́ заступле́ния! Изба́ви все́х ве́рою несумне́нною к Бо́гу приходя́щих от вся́ких бе́д душе́вных и теле́сных, от все́х томле́ний и диа́вольских наве́тов. Бу́ди печа́льным уте́шитель, неду́гующим вра́ч, в напа́стех помо́щник, наги́м покрови́тель, вдови́цам засту́пник, си́рым защи́тник, младе́нцем пита́тель, ста́рым укрепи́тель, стра́нствующим путево́ждь, пла́вающим ко́рмчий и исхода́тайствуй все́м, кре́пкия по́мощи твоея́ тре́бующим вся́, я́же ко спасе́нию, поле́зная. Я́ко да, твои́ми моли́твами наставля́еми и соблюда́еми, дости́гнем в ве́чный поко́й и ку́пно с тобо́ю просла́вим Бо́га, в Тро́ице Святе́й сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Моли́тва тре́тия

О преблаже́нне святи́телю Спиридо́не! Умоли́ благосе́рдие Человеколю́бца Бо́га, да не осу́дит на́с по беззако́нием на́шим, но да сотвори́т с на́ми по ми́лости Свое́й. Испроси́ на́м, рабо́м Бо́жиим (имена́), у Христа́ и Бо́га на́шего ми́рное и безмяте́жное житие́, здра́вие душе́вное и теле́сное. Изба́ви на́с от вся́ких бе́д душе́вных и теле́сных, от все́х томле́ний и диа́вольских наве́тов. Помина́й на́с у Престо́ла Вседержи́теля и умоли́ Го́спода, да пода́ст мно́гих на́ших грехо́в проще́ние, безбе́дное и ми́рное житие́, да да́рует на́м, кончи́ны же живота́ непосты́дныя и ми́рныя и блаже́нства ве́чнаго в бу́дущем ве́це сподо́бит на́с, да непреста́нно возсыла́ем сла́ву и благодаре́ние Отцу́ и Сы́ну и Ду́ху Свято́му, ны́не и при́сно и во ве́ки веко́в. Ами́нь.

Слушать или читать онлайн Акафист Спиридону Тримифунтскому 40 дней на русском языке. В каких случаях читать акафист святому Спиридону Тримифунтскому 40 дней и как правильно это делать? Обо всем подробнее в данной статье.

Многие верующие стесняются просить у святых материальных благ, считая, что это не совсем правильно. На самом деле каждый человек может столкнуться с трудной жизненной ситуацией, связанной с недостатком денег или проблемами с жильем. Не стоит отчаиваться! Господь заботиться обо всех и не оставит в беде, главное, просить его о помощи от всего сердца. Нужно приобрести в храме икону Спиридона Тримифунского и читать перед ней акафист подряд 40 дней. И можете быть уверены, что даже самая сложная ситуация чудесным образом разрешиться.

Жизнь и чудеса святого

Родился святой чудотворец на острове Кипр в обеспеченной семье. С малых лет он старался помочь страждущим. Часто давал нуждающимся в долг, не прося его вернуть. Голодных старался накормить, тем, кто остался без крыши над головой давал кров. Святой был обыкновенным земледельцем, вел праведную жизнь, следуя заповедям Божьим, показывая всем любовь Господа к нам.

Чудотворец взял в жены скромную девушку, которая родила ему ребенка. Ее смерть стала настоящим ударом для юноши. Он продал все свое имущество, деньги раздал бедным и отправился странствовать.

За преданное служение, Господь наградил Спиридона способностью исцелять больных, изгонять бесов и воскрешать мертвых. Несмотря на то, что Спиридон не имел образования, он обладал проницательностью и тонким умом. За свою добродетельную жизнь он получил епископский сан.

Известно много случаев, когда Спиридон показывал свои удивительные способности. Один раз он спас от голодной смерти много людей. Он не имели возможности купить хлеб у жадного торговца, который требовал слишком высокую цену за свой товар. По молитве Спиридона на город снизошел ливень, который размыл житницы торговца, благодаря чему люди смогли насытиться хлебом.

За помощью к нему обращались как при жизни, так и после того, как святой преставился. Главное, во время молитвы иметь чистые помыслы и крепкую веру в Господа.

Важно! Святой никогда не поможет, если человек просит увеличить свое состояние за счет других.

В каких случаях читать акафист святому

Акафист Спиридону Тримифунскому читают в случае, когда человек не может выплатить долги или кредиты, либо ощущает постоянную нехватку денег на жизнь. В Греции святого считают покровителем путешествующих.

Как правило, акафист читают в таких случаях:

  • Чтобы укрепить веру. Последствием слабой веры является страх перед нищетой, проблемами и болезнями. Нужно всегда верить в то, что Господь как любящий отец всегда наблюдает за своими чадами и обязательно поможет, когда в этом будет необходимость.
  • При материальных проблемах. Еще при жизни Спиридон давал в долг многим людям. Помогал он бескорыстно, но требовал возврата, побуждая заемщиков работать. Обращаясь за помощью к святому, нужно быть готовым вернуть долг, но не материальными ценностями, а молитвой и исправлением своей жизни.
  • Желая приобрести, продать или сдать жилье. Существует много свидетельств помощи чудотворца после прочтения акафиста именно в жилищном вопросе.
  • Когда требуется помощь в сельскохозяйственном труде. Во время засухи или нашествия вредных насекомых читают акафист Спиридону Тримифунскому. Еще при жизни он мог повелевать стихиями.
  • В поиске работы. У человека могут быть средства для существования, если у него есть работа. В наше время, когда очень сложно найти хорошую должность, это особенно актуально.

Акафист – как молитвенное правило

Акафист – продолжительная по времени молитва, которую читают стоя. Это требует большого терпения и сил. Даже если святой исполнил просьбу, чтение акафиста не прерывают раньше срока окончания правила.

Акафист Спиридону Тримифунскому – сильнейшая молитва. Перед тем, как начать читать его, обязательно следует взять благословение у священника.

Когда требуется помощь святого, к утренним и вечерним молитвам добавляют акафист.

Как читать акафист

Читают акафист Спиридону Тримифунскому сорок дней подряд. Не всем хватает терпения и сил исполнить такое правило. Читают акафист вслух, не спеша, спокойным голосом.

После каждого припева нужно осенить себя крестным знамением и положить поясной поклон. Это поможет оживить молитву и заставит тело работать вместе с духом.

Последний кондак акафиста читают три раза, троекратно произнося «Аллилуйя». Молитвы, помещенные после акафиста, читают на коленях.

Как быстро святой исполнит вашу просьбу, зависит от силы вашей веры. Однако стоит помнить, если вы обращаетесь к нему с чистыми помыслами, он обязательно услышит вас. После того, как ваша просьба будет выполнена, обязательно закажите в храме благодарственный молебен.

Акафист Спиридону Тримифунтскому

Кондак 1

Препрославленный от Господа святителю и чудотворче Спиридоне! Ныне всечестную память твою празднующе, яко много могущему споспешествовати нам о прославльшем тя Христе, умильно вопием ти: избави нас от всяких бед и зол, да с благодарением зовем ти: Радуйся, Спиридоне, предивный чудотворче!

Икос 1

От юности украшенный всеми добродетельми, житием своим Ангелом подражавый, ты, святителю Спиридоне, воистинну показался еси друг Христов; мы же, зряще тя, небеснаго человека и земнаго ангела, со благоговением умильно вопием ти:

Радуйся, уме, созерцаяй тайны Пресвятыя Троицы; радуйся, обогативыйся Духа пресветлым осиянием.
Радуйся, светильниче многосветлый; радуйся, ум твой безстрастием просветивый.
Радуйся, измлада истинную простоту и безмолвие возлюбивый; радуйся, украшение целомудрия.
Радуйся, любве неистощимая струя; радуйся, яко страннолюбию Авраама подражал еси.
Радуйся, яко всем любвеобильно входы дома своего отверзал еси; радуйся, нищих предстателю.
Радуйся, пред нимже благоговеют людие; радуйся, яко ты еси обиталище Пресвятаго Духа.
Радуйся, Спиридоне, предивный чудотворче!

Кондак 2

Видяще остров Кипр и вся христианския страны нетленныя мощи твоя, святителю, от нихже истекают обильная исцеления, возрадовашася; и мы, почитающе тя яко преобильнаго источника благодати, низпосланнаго Свыше нам, вопием к Верховному Подателю Небесных и земных благ: Аллилуиа.

Икос 2

Разум Божественный имый, аще сый пастырь безсловесных овец, ты произволением Пастыреначальника Христа избран был еси в пастыря овец словесных. Вернии же, разумевше тя добраго пастыря, неусыпно о стаде своем пекущагося, воспеваху:

Радуйся, архиерее Бога Вышняго, в хиротонии восприявый обильно Божественную благодать; радуйся, светильниче многосветлый, горяй и светяй.
Радуйся, верный делателю в вертограде Христовом; радуйся, пастырю, на пажити веры и благочестия паству свою воспитавый.
Радуйся, сияньми добродетелей твоих мир просвещавый; радуйся, Престолу Христову Божественную Жертву приносивый.
Радуйся, иерарше, разумением Православия украшенный; радуйся, апостольскаго учения исполненный, верных струями спасительнаго учения напаяяй.
Радуйся, яко и мудрых озарил еси; радуйся, яко и простых сердца обновил еси.
Радуйся, славо православных и Церкве непоколебимое утверждение; радуйся, украшение отцев, слава и похвала иереев благоговейных.
Радуйся, Спиридоне, предивный чудотворче.

Кондак 3

Силою Вышняго, осенившею тя, святителю Спиридоне, богомудр ты показался еси и, сжавши дланию глину, троичность Лиц всем очевидно уяснил еси: темже лжемудрии философи, собравшиися на Соборе, ужасошася, вернии же непостижимаго прославиша Бога, умудрившаго тя во спасение, вопиюще Ему: Аллилуиа.

Икос 3

Имеюще тя в помышлениих своих вси отцы Собора проста, неискусна в книжнем учении, молиша тя, отче Спиридоне, не препиратися словесы с ветиею, мнящимся мудр быти. Ты же, святителю, ревностию по Бозе распалаемый, веруя, яко проповедь Христова не в препретельных мудрости человеческия словесех, но в явлении духа и силы, премудре того обличив, вразумил и на путь истинный наставил еси. Вси, видевше чудо сие, взываху:

Радуйся, свете православныя мудрости; радуйся, яко глаголемых быти мудрых совопросников посрамил еси.
Радуйся, источниче, благодатию обильный; радуйся, непоколебимый столпе, твердо содержащий сущих в вере.
Радуйся, омрачаяй всепагубную ересь; радуйся, чрез негоже попрано бысть безумие.
Радуйся, яко персть земная проповеда твоима рукама Святую Троицу; радуйся, яко из глины извел еси огнь и воду во утверждение догмата Святыя Троицы.
Радуйся, яко просветил еси люди славити Слово, воистинну единосущное Пребезначальному Отцу; радуйся, яко змиеву главу пагубныя Ариевы ереси поразил еси.
Радуйся, яко тобою пожерта бысть злоба; радуйся, невернаго мудреца совопросника к истинней вере обративый.
Радуйся, Спиридоне, предивный чудотворче.

Кондак 4

Жизнь проводя в убожестве и нищете, нищим и бедным был еси питатель и помощник и, любве ради к нищим, змия в злато преложил еси и дал еси оное требующему твоея помощи. Дивящеся о чудеси сем, благодарственно вопием к Богу: Аллилуиа.

Икос 4

Слышано бысть всем и всюду, яко святитель Спиридон воистинну есть жилище Святыя Троицы: вселися бо в нем Бог Отец, Бог Слово и Бог Дух Святый. Сего ради ты словесы и деяньми проповедал еси всем христианом воплощеннаго истиннаго Бога, вопиющим:

Радуйся, словес Божиих таинниче; радуйся, Домостроительство Божие о спасении мира уяснивый.
Радуйся, яко научил еси не испытовати еже есть превыше разума и мудросте человеческия; радуйся, непостижимую действующую в тебе силу Божию явивый.
Радуйся, яко устами твоими провеща Сам Бог; радуйся, яко вси послушаху тебе в сладость.
Радуйся, мглу идолослужения разгнавый; радуйся, яко многих к истинней вере привел еси.
Радуйся, яко главы невидимых змиев поразил еси; радуйся, яко тобою прославляется вера христианская.
Радуйся, яко светло озаряеши всех ублажающих тя; радуйся, поборниче христианския веры и Православия.
Радуйся, Спиридоне, предивный чудотворче.

Кондак 5

Божественнаго Духа преисполнен был еси, святителю Спиридоне, ради добродетельнаго жития твоего; зане кроток, милостив, чист сердцем, терпелив, непамятозлобив, страннолюбец был еси: сего ради Творец и в чудесех преславна показа тя. Мы же, прославляя Бога, прославльшаго тя, вопием Ему: Аллилуиа.

Икос 5

Равноангельна Спиридона зрим, великаго чудотворца. Некогда страна от бездождия и засухи вельми пострада: бысть глад и язва, и многое множество людей умроша, молитвами же святителя сниде с небесе на землю дождь; людие же, избавльшеся от бедствия, благодарственно взываху:

Радуйся, великому пророку Илии уподобивыйся; радуйся, яко дождь, отъемлющий глад и недуги, благовремение низвел еси.
Радуйся, паки молитвами своими небо заключивый; радуйся, яко немилосердаго купца лишением имения наказал еси.
Радуйся, яко требующим пищу обильно даровал еси; радуйся, яко любоблагоутробие Бога к людем подвизаеши.
Радуйся, вземляй немощи немощных; радуйся, богоблагодатный человеком помощниче.
Радуйся, болящим здравие подаваяй; радуйся, егоже трепещут демони.
Радуйся, безчисленных чудес источниче.
Радуйся, Спиридоне, предивный чудотворче.

Кондак 6

Завеса ветхозаветной скинии закрываше во Святая Святых ковчег, манну и скрижали. И храм твой, святителю Спиридоне, имеет раку твою, яко ковчег, святыя мощи твоя, яко манну, сердце твое, яко скрижали Божественная благодати, на нихже зрим начертанную песнь: Аллилуиа.

Икос 6

Народ Кипра некогда за умножение беззаконий наказа Господь безплодием земли, егда же прииде к святому Спиридону знаемый земледелец, прося помощи, даде ему святый злато; минувшу же бедствию, земледелец оный возврати паки злато, И — о чудесе — злато змий бысть. Прославляюще Бога, дивнаго во святых Своих, вопием:

Радуйся, яко Моисею, чудесно преложившему жезл в змия, подражал еси; радуйся, человеколюбивый пастырю, избавляяй от бед словесныя овцы стада своего.
Радуйся, обильно всех всеми благами обогащаяй; радуйся, яко Илиа, бедных питавый.
Радуйся, немилосердых к милосердию обращаяй; радуйся, достоподражаемый пример любве для человеков, в мире живущих.
Радуйся, верных и неверных в бедах утешение; радуйся, древо сеннолиственное, град и страну осеняющее.
Радуйся, славо и похвало керкирян; радуйся, над влагою и сушею, зноем и хладом благодатию Божиею владычествуяй.
Радуйся, уставы земли молитвою пременяяй; радуйся, будущая, яко настоящая, провидевый.
Радуйся, Спиридоне, предивный чудотворче.

Кондак 7

Ходатай пред Господем за всех явился еси, святителю Спиридоне. Сего ради и мы прибегаем под кров твой, ищуще спасения, вси бо помощника тебе имамы во всех нуждах, во время глада, смертоносныя язвы и во вся годины бед и искушений. Сего ради благодарственно вопием Богу: Аллилуиа.

Икос 7

Новое чудо видим и боголепное; егда ты, отче, шествовал избавити неповинно осужденнаго на смерть, бурный поток прегради путь тебе; ты же именем Всемогущаго Бога повелел ему стати и прешел еси со спутники чрез реку, яко по суху. Слава о сем чудеси распространися всюду, и вси прославиша Бога, вопиюще к тебе:

Радуйся, яко иногда Иисус Навин чрез Иордан, реку по суху прешедый; радуйся, речная устремления гласом своим укротивый.
Радуйся, яко трудный путь предприял еси, движимый милосердием; радуйся, яко клевету разрушил еси и неповиннаго от уз темницы и напрасныя смерти избавил еси.
Радуйся, жизни по Бозе благий поспешниче; радуйся, неповинно угнетенных защитителю.
Радуйся, уставов естества воднаго пременителю; радуйся, яко судию вразумил еси и от убийства спасл еси.
Радуйся, истинное исправление душ; радуйся, дивная сило, потоки удержавающая.
Радуйся, услаждающий сердца человеков, к тебе притекающих; радуйся, человеколюбию Авраама подражателю.
Радуйся, Спиридоне, предивный чудотворче.

Кондак 8

Странник и пришлец был еси на земли, якоже и прочии человецы. Обаче из чрева матере Всеведущий великаго угодника и чудотворца показа тя, святителю Спиридоне: бесы бо изгоняеши, всякую болезнь и язву исцеляеши, помышления людей зриши, темже и дивен во святых показался еси. Мы же, возсылающе молитву ко Благодателю всех Богу, вопием ему: Аллилуиа.

Икос 8

Весь мир ужасом многим содрогнуся, егда услыша, яко смерть, по гласу твоему, возвращает из гробов мертвецы своя, и возопи:

Радуйся, умершую дщерь свою, да явит врученное ей сокровище, к жизни воззвавый; радуйся, скорбную вдовицу, на сохранение злато вдавшую, утешивый.
Радуйся, умершее отроча из мертвых воскресивый; радуйся, яко матерь его, внезапно от радости умершую, ожививый.
Радуйся, яко уподобился еси Илии, молитвами сыну Сарептския жены жизнь возвратившему; радуйся, яко и Елисею, возбудившему от смерти отроча подражал еси.
Радуйся, пастырю, приискренне любящий человеки; радуйся, жене блуднице, слезами нозе твои омывшей, грехи именем Бога отпустивый.
Радуйся, святую ревность верховнаго апостола стяжавый; радуйся, яко нераскаянная грешница, по глаголу твоему, в тяжких болезнех умре.
Радуйся, земли плодоносие молитвами твоими испросивый; радуйся, непреложное воскресения человеков уверение.
Радуйся, Спиридоне, предивный чудотворче.

Кондак 9

Духа Божественнаго осияньми озарен был еси, святителю Спиридоне, имел бо еси духа премудрости, яко мудрыми словесы безумных обуил еси и посреде отцев веру утвердил еси, духа разума, яко умы омраченныя озарил еси; духа страха Божия, яко выну делании богоугодными душу очистил еси. Темже, представ Престолу Вышняго, с сонмом Ангелов воспеваеши Ему: Аллилуиа.

Икос 9

Жезл пастыря словесных овец от Пастыреначальника Господа Иисуса приемый, святый Спиридон не премени жития своего: нестяжателен, кроток, любве ради вся терпяй, не постыдеся пещися и о стаде безсловесных овец. Вся сия возбуждают нас славити Бога и взывати тебе:

Радуйся, славу мира сего яко суетную презревый; радуйся, мзду многу на Небесех стяжавый.
Радуйся, красная мира сего в уметы вменивый; радуйся, сосуде небесных благ.
Радуйся, святейшая пажите киприотов; радуйся, яко тебе ради Бог хищников овец твоих невидимыми узами связа.
Радуйся, татем отеческое вразумление преподавый; радуйся, по милосердию твоему за проведенную без сна нощь овна им даровавый.
Радуйся, непослушанием козлища, яко бы разум имущаго, купца, утаившаго цену его, обличивый; радуйся, утаившаго сребреники твоя к покаянию приведый.
Радуйся, яко страсти корыстолюбия увещанием своим исцелил еси его.
Радуйся, Спиридоне, предивный чудотворче.

Кондак 10

Спасаяй души паствы, Богом тебе вверенныя, ты, святителю Спиридоне, произволением Божиим, зван был еси явити славу свою, паче же славу истиннаго Бога, и в иныя страны, да всюду славят имя Божие, вопиюще: Аллилуиа.

Икос 10

Скорый помощник и заступник во всяких нуждах и скорбех, святый Спиридон, по повелению цареву, якоже и прочий пастыри, прииде во град Антиохию, идеже бе одержимый болезнию царь Константин; святитель главы его коснуся и сотвори здрава. Сему чудеси дивящеся, вопием ти:

Радуйся, егоже в сонном видении Ангел, яко целителя, яви царю; радуйся, Божественныя ради любве трудный путь в старости восприявый.
Радуйся, цареву рабу, ударившему тя в ланиту, по заповеди Спасителя, другую подставивый; радуйся, столпе смирения.
Радуйся, молитвами своими слезно просящему царю здравие даровавый; радуйся, яко уничижением своим раба вразумил еси и немилостивый нрав его пременил еси.
Радуйся, яко благочестию и милосердию царя научил еси; радуйся, яко, ненавидяй земная сокровища, злато царя отвергл еси.
Радуйся, яко ученика своего Трифиллиа от пристрастия к земным благам отвратил еси и сосудом благодати Божия соделал еси; радуйся, яко пришедшу тебе в Александрию идоли падоша.
Радуйся, емуже и беси повинуются; радуйся, яко от идолослужения многих отвратил еси.
Радуйся, Спиридоне, предивный чудотворче.

Кондак 11

Пение ангельское бысть, егда во храме приносил еси, святителю Спиридоне, вечерния молитвы Твоя, и не беша сослужащии тебе. Жителие же града, дивное пение слышавше, внидоша в храм и, никогоже видевше, с Горними силами воспеваху: Аллилуиа.

Икос 11

Светозарное солнце мирови, собеседник Ангелов был еси на земли, святителю Спиридоне; предав же дух твой в руце Божии, преселился еси в горняя селения, моляся за мир пред Престолом Владыки. Мы же, живущии на земли, вопием ти:

Радуйся, яко тебе, еще живу сущу, сослужаху Ангели; радуйся, псалмопение Архангелов слышавый.
Радуйся, видимый образе нашего преображения; радуйся, яко недоставшу елею в храме Бог тебе ради с избытком лампады наполни тем.
Радуйся, лампадо Божественнаго сияния; радуйся, сосуде благодати Божией, обильно, подобие елею, наполняющей душу твою.
Радуйся, неизсякаемый источниче, присно источающий всем токи благодати; радуйся, о немже изумляются Ангели.
Радуйся, прослушание диакона в храме наказавый; радуйся, тщеславившагося своим гласом и гласа, и языка лишивый.
Радуйся, яко во время зноя, внезапу роса, снизшедшая свыше, священную твою главу прохлади; радуйся, в знамении сем близость преставления своего провидевый.
Радуйся, Спиридоне, предивный чудотворче.

Кондак 12

Покров и прибежище бывый всем к тебе притекающим верным еще в житии твоем, ты, святителю, не оставил еси нас сирых и по твоем успении; Бог, побеждающий естества чин, сохрани святые мощи твоя нетленными во укрепление православныя веры и благочестия, в знамение безсмертия, Егоже прославляюще, вопием: Аллилуиа.

Икос 12

Воспеваем тя, святителю Божий, яко удивил еси мир чудесы, истекающими от святых мощей твоих. Вси бо с верою приходящии и лобызающии их получают вся благопотребная просимая. И мы, давшаго тебе крепость, венчавшаго тя венцем нетления и действующаго тобою Бога прославляюще, вопием ти:

Радуйся, во время глада корабельником явивыйся, и пищу доставити повелевый; радуйся, слепым, с верою притекшим к святым мощем твоим, зрение даровавый.
Радуйся, от неисцельныя болезни отрока исцеливый; радуйся, беса из жены изгнавый и здравую сотворивый.
Радуйся, возбранный воеводо Керкиры; радуйся, яко полчища злочестивых агарян изгнал еси и корабли их в пучине потопил еси.
Радуйся, егоже видеша окруженнаго сонмом Ангелов, в деснице меч державша и в трепет врагов приведша; радуйся, создати себе храм, во еже совершати в нем литургию на пресном хлебе, воеводе возбранивый.
Радуйся, воеводу латинскаго лютою смертию поразивый; радуйся, молниею изображение его в доме в Венеции сожегший.
Радуйся, отступльства и лжемудрования Запада посрамивый; радуйся, единую православную веру быти истинную и спасительную для человеков утвердивый.
Радуйся, Спиридоне, предивный чудотворче!

Кондак 13

О пречудный святителю Христов, отче Спиридоне! Нынешнее наше моление прием, избави нас от всех бед и напастей, укрепи на враги страну нашу, даруй нам оставление прегрешений и изми от вечныя смерти всех вопиющих о тебе к Богу: Аллилуиа!

(Этот кондак читается трижды, затем икос 1 и кондак 1)

Оценка 5 проголосовавших: 3
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here